台灣woohoo之旅-台北day11 西門町, 鋤燒, 紅樓, 國光客運

最後一日喇,,一早落7-11買定d盒裝飲品帶返香港
執執執係咁執行李,,執到夠鐘check out都未搞掂
搞掂後行李就咁放喺房同負責人講低要寄存全先

之後就去食返個午餐,,冇錯,,早餐又skip咗
本身朋友仔好想喺台灣食壽喜燒但冇安排到,,見附近有間就入去食
喱間嘢叫鋤燒,,又係食到飽ge(即任飲任食),,lunch大概NT$39X

佢個鍋好得意,,係長型,,鍋身好矮
由於壽喜燒只係放少量湯汁煮
所以唔使好似平時食火鍋咁放大量湯,,而湯ge份量係自己加ge
d肉熟咗就沾d生雞蛋食,,降溫之餘仲增加潤滑感

一開始已經俾咗三盤牛肉我地,,牛肉好滑冇渣,,正!
仲有d菜類豆品類俾你點,,種類唔多,,但夠食就ok,,主力食牛嘛哈哈哈
其實仲有前菜,,甜品同飲品
甜品好正,,點咗抹茶雪糕,,味道好濃,,仲有紅豆牛奶冰都好食,,兩樣加埋食仲正

之後就喺西門町行下,,去咗紅樓,,好多得意特式嘢
行到四點度就返去攞行李,,出發去台北車站買鳳梨酥同搭國光
點解要搭國光?因為唔知喺邊度買飛搭飛狗,,橫掂要去台北車站買李儀鳳梨酥就順便

李儀張卡片有教你點去搭國光客運,,而地下街亦有指示
點知由地下街上去地面係冇電梯,,抬行李抬到我地死死下

一上到去就喺車站,,入去櫃檯買飛就可以
點知我地排錯隊差d上錯車,,好彩友人好醒發覺,,順利上車

由於我地九點幾機,,諗住要早兩個鐘去到啦
咁又再預兩個鐘搭車去機場啦,,因為上次都好似要咁耐車程
點鬼知佢喺大雨下都一個鐘就到咗機場,,真無奈

唯有唱返錢後去食個晚飯啦,,又係burger king,,都係唔好食的
臨走前喺西門町買咗mister donut,,喺等機時又開黎食

飛機延誤咗一陣
今次飛機餐又係麻麻,,南瓜肉碎米,,都好食過香港嗰餐ge
最終十一點幾到香港,,拿拿聲趕尾班車,,byebye台灣

話說買咗好多飲品返香港,,就係喱d喇
買蔬菜汁純粹為健康,,不好芹菜味者勿試

其中一盒蔬菜汁ge成份表,,有冇咁多唔同汁呀,,咪又係芹菜味
不過佢ge低卡又真係淡如水,,但芹菜味仍在

仲有一盒泡麵,,好食!麵質唔同平時食開ge麵

仲有九份ge麻糬,,要快手食,,擺得耐會變硬