台灣woohoo之旅---台北day8 板橋油庫口, 永康街, 師大

今日都係十點幾先起身,,睇下電視又十一點幾先出發
搭捷運去新埔站食麵線!
之前成日聽台灣人ge無名見到好多人推介板橋油庫口麵線,,今次終於可以黎試下
十二點鐘門口已經有好多人,,好彩佢地係外帶
店內全部都係台灣人,,感覺好有趣,,好道地
喺門口點咗餐就入去坐,,佢會俾d牌仔你,,擺喺台面等等就有人拎俾你ga喇
麵線同腸分開俾錢,,麵線有大腸,,蚵仔或綜合口味,,全部NT$35,,香腸一條,,NT$20

麵線都幾大碗下,,又多蚵仔同大腸,,抵食!
不過佢冇落蒜所以味道冇咁濃冇咁野味,,不過湯頭就好香木魚味,,好味
香腸都算大條,,唔似得香港$12先得一細條
佢仲有埋生蒜,,台灣人一口生蒜一口香腸,,不過我就唔敢食生蒜

行去搭捷運返西門町時見到comebuy又試下台灣嗰間質素如何
都唔錯wor,,不過好鬼大杯飲唔晒

本身搵好晒地圖喺邊度搭車去永康街,,點知去到冇車站ge?
好彩有搵定第二個,,不過又好彩近d有一個,,搭公車670就去到永康街附近
唔使驚唔識,,車上有講站名,,記住大概叫金山南路站落就ok

點知去到度康街又倒水咁,,求其入咗間嘢度避雨
點知入咗間好好食ge店,,叫府城台南清蒸蝦仁肉丸
點咗招牌蝦仁肉丸NT$40,,同埋台南米糕NT$35
蝦仁肉丸好好食,,皮薄蝦又大粒,,做有少少蒜,,加埋汁,,好食!
米糕其實係糯米飯上面加咗d香菇肉燥,,肉鬆同醃蘿蔔
簡單但好食,,糯米軟糯,,香菇肉燥香,,醃蘿蔔解膩

雨仍然落很大,,但繼續上路
見到冰館變做永康15(好大段故)就入去試下
點咗芒果牛奶冰NT$120,,好大盤,,如果天氣熱食會好食d,,落雨好涼食緊覺得太凍
繼續行行行,,去身韓記,,點知中場休息

入咗巴哈咖啡起司工坊,,係一間high tea cafe,,其實唔錯,,但當時冇心情享受

五點就過隔離食韓記,,亦和好如初
喱間麵食喺朋友仔睇返黎,,話人地話好好食,,果然冇介紹錯!
點咗川式炸醬面NT$75同招牌麻辣老虎麵NT$180
川式炸醬面係乾撈麵,,青瓜絲下有肉末,,肉末中有豆豉
好惹味,,少少辣,,麵係圓圓地粗身,,好彈牙,,好好食呀!!!!

招牌麻辣老虎麵點咗少辣,,不過會越食越辣
湯底好濃郁,,淨飲湯都上癮!
牛肉係用肥牛片,,但佢d牛又唔肥,,好嫰,,牛味濃!
佢仲有鴨血,,同樣好吃!
麵就同上面一樣,,好好食,,好大碗,,大到我隻手都蓋唔住

仲有個自己去裝ge綠豆湯,,唔使錢ga,,甜甜地,,解辣一流

食完好飽,,又靠我依稀記憶行過去師大夜市
第一站雞房重地,,1/4雞都係NT$60咋,,西門町嗰個真係黑店
不過佢間店細咗好多,,冇咗堂食
雞肉好嫰,,起晒骨,,好多薑絲,,同一年前一樣好食!

今次食大台北平價滷味,,唔記得食咗幾錢嚕,,不過都唔錯

又食許記生煎包,,5個NT$30
熱食好食好多,,不過都係麻麻,,好油

本來想食evans burger但太飽冇食到
去咗行頂好超市,,買咗蘋果西打,,味道都ok,,仲買咗支乳酸第二晚飲
返西門町又買台茶,,今次係天仁茗茶,,又係奶綠,,茶好味珍珠麻麻