台灣woohoo之旅---台北day9 十分, 菁銅, 九份, 瑞芳, 饒河

終於要早d起身喇,,因為要去十分,,八點幾就起身
去咗買mos burger早餐,,一個包加一杯飲品,,NT60度,,好抵呀
味道都唔錯,,可惜九點後就冇三文治set
由西門町去台北車站再轉火車去瑞芳,,再轉平溪線
最好睇定官網時間表度定時間,,唔係夾唔啱都呆等幾耐下

嗰日雖然係平日,,但都好多人去,,搭平溪線竟然多人到冇位坐
差唔多十二點就去到十分,,當時陰陰地天都幾舒服
同上年差唔多,,不過多咗d天燈吊飾

上年吊橋仲維修緊,,今年開咗喇
風大條橋都搖搖地,,影咗陣相就行返去嚕
左下張相真係唔知邊個諗到將個許願竹筒掛喺嗰度

見就快落雨拿拿聲去放天燈
佢有好多隻色,,唔多色代表唔同嘢,,藍色代表願望
寫完開始落雨喇,,好彩都成功放上天,,希望願望成真啦

之後就去等火車去下一站青銅
去到都keep住落雨,,只係喺手信店買下嘢,,睇下嘢,,去礦石館避下雨又走嚕

搭返火車返瑞芳,,下一站九份!
又係落住雨,,見公車龍又長,,本身想搭的士,,但得兩個人唯有死死氣去排隊
點知前面嗰兩個台灣人見我地又想搭的士就提議一齊搭,,yeah!NT$180四個share

去到九份已經好餓,,又幫襯嗰個出位阿姐買香腸
之後就食芋圓,,上次食過阿甘姨,,今次食賴阿婆
不過好似阿甘姨足料d,,大碗好多

跟住去睇風景,,上次都冇行過黎喱度
好多人都喺度影相,,因為真係好鬼靚,,好似睇緊山水畫咁
影影下有隻為食貓走咗出黎,,好得意

之後就喺李儀餅店出面等公車返瑞芳
喺瑞芳逛咗一陣,,買咗支龍鳳腿食,,NT$10
龍鳳腿入面係豬肉加咗d高麗菜,,都幾得意呀

之後又搭火車去松山站去饒河夜市,,松山站好似整靚咗好多wor
好好彩每次行夜市都唔落雨,,好好行
第一站又係食胡椒餅,,NT$45,,一樣熱辣辣,,唔錯
行咗一圈諗好食咩就開餐..第二站施老闆ge麻辣腸旺,,NT$80
腸旺即係鴨血加大腸,,好入味好好食,,好彩坐咗喺風扇前面,,唔係熱死

第三站三寸漢堡包ge美味蟹堡,,NT$2X
都唔好食ge,,都唔知食緊咩,,早知唔貪海綿寶寶懶得意咁啦

第四站恆春綠豆饌
好好食呀,,加咗d碎冰同黑糖,,黑糖味好香,,綠豆饌清爽,,消暑一流

第五站呂小姐情人果,,NT$50
佢用咗百香果浸d情人果,,味道好得意
第五站魷魚大王
攞咗返日租食,,又真係幾好食wor,,好惹味,,雖然只係土魷,,但好吃!

第六站大雞排,,NT$50
好大塊,,仲有唔同味粉俾你揀,,開頭覺得麻麻地,,但食落又唔錯wor
喺台灣食雞排食上癮,,雖然都只係一團粉同雞肉,,但唔知點解好想食

第七站百香天然愛玉,,都......唔好味ge.......
仲有之前買ge一支乳酸,,好味呀,,同益力多差唔多,,大支d