台灣woohoo之旅---墾丁day2 鵝鑾鼻, 小杜包子, 墾丁大街

八點幾就起咗身,,落去7-11買早餐
亞哥之家住一晚一人一張早餐卷,,一張買到NT$50 ge嘢
揀咗個冷麵,,三文治,,蘋果牛奶同葡萄味smoothie
好食好食,,不過唔知點解台灣三文治興半餡,,前面睇好多料,,後面係冇ge
個smoothie有葡萄粒ga!
蘋果牛奶好得意,,台灣又好興水果牛奶,,味道同我地香港嗰隻乳酪飲品有少少似

11點就要check out喇,,好唔捨得,,實在太舒服
行過兩步就到咗第二日住ge伯利恆一館
入到去就已經感覺到喱間民宿冇咁warm,,比較商業
未有得入房住,,擺低行李就喺附近租單車去鵝鑾鼻

間單車店都幾簡陋下,,唔係好pro嗰d,,都驚驚地
租四個鐘NT$150,,只得一款標準成人車,,矮少少都冇
腳勉強掂地,,仲要踩馬路,,都咪話唔驚,,右上角就係戰車
沿路風景好靚(左上),,不過好曬又多暗斜,,一次就夠喇
途中經過砂島(右下),,下車拍個照,,不過忘記進展覽館
左下是途中經過一間小學外的小丸子佈置,,真有趣

踩咗差唔多九個字終於去到鵝鑾鼻喇
喺泊車度買咗雞蛋冰食,,以為係真蛋,,點知係蛋形冰
入到去係幾靚ge,,好多內地團去參觀
不過冇瓦遮頭曬到都冇心情行,,我地影完相就走
連最南點都冇心情搵,,騎返架車又再大長征

終於又騎到返去,,還車之後就上房
我地住5樓(佢間嘢係冇4樓的),,又冇電梯,,竟然要自己抬行李上去?!
佢d樓梯又窄又細級,,攰到爆仲要搞壇咁ge嘢,,興!
同埋都冇想像中咁靚,,有d殘舊,,最大賣點面海浴缸係會俾人見到ge
廁所逼喺個極細ge格度,,冇燈又唔通風
L形露台冇亞哥之家咁舒服,,又係用黎曬衫
喱間係最貴嗰間民宿,,要NT$3000一晚,,唔值唔值

最慘係唔會有大街接送,,要去就自己搭公車啦
唯一最好係教你點搭,,完!
大長征完即刻沖個涼,,就出發去恆春食小杜包子
攰到爆唔想行去搭公車,,買完嘢飲咁啱門口有兩架的士,,問價NT$300
貴到肉都赤埋,,但冇計仔,,照上!攞定張卡仔夜晚叫車!

其實又真係幾遠下,,去到攞飛
見佢話有幾款賣晒,,個心即刻沉一沉,,想食ge都冇晒
不過原來佢下一轉又出返晒全部包款,,嚇得我呀
佢出爐會唱歌仔好得意,,心情好愉快
買咗四個包,,起司,,獅子頭,,紅豆麻糬,,蛋黃香菇
個個手掌咁大,,熱到熨手,,好好食,,好食到一次食晒四大個
下圖係會唱歌ge垃圾車,,聽到音樂大家自動出黎丟垃圾

本來想去恆春老街,,點知唔記得睇定點行,,搵唔到唯有搭公車返老街食晚餐(又食xd)
墾丁大街好熱鬧,,有嘢食有嘢玩,,我地玩咗射汽球同掟飛標
好難射,,台灣個個都係神槍手,,十發起碼中七發

是日晚餐頂好烤魷魚,,NT$60一支,,有我前臂咁大隻!好食!!推介!!
仲有吳師傅滷味一包,,大概NT$250,,好貴,,都唔知有冇計錯價!不過味道又唔錯
仲有墾丁壹芒果,,NT$50一盒,,比其他貴但又真係好食,,吹佢唔脹

仲有繼續台茶,,今次係奶綠(奶精),,我最愛!
仲有兩盒7-11飲品幫助消化!

仲喺大街book咗聽日去後壁湖浮潛NT$280,,包接送
行完晒就諗住call車返去啦,,點知等咗都幾耐下
等等下有個叔叔問我地係咪等車又係咁同我地講嘢,,開頭都幾驚
不過後尾覺得佢係好人,,佢話佢等緊香港包車客人,,可以車埋我地返去
咁我地即刻cancel call車慳返NT$200,,仲叫佢後日車我地去海生館同返高雄
不過佢ge客人好似冇好friendly,,但都有同我地講下嘢,,都幾尷尬下