台灣woohoo之旅---台北day7 賽門甜不辣, 當代藝術館, 田季發爺

又瞓到黃朝百晏,,仲睇個電視先落街食午餐(係呀,,早餐skip咗喇)
本來諗住去間cafe,,點知十二點都未開,,唯有周街睇下有咩食

見到賽門甜不辣就入去試下啦,,反正一早都想試下
點咗一碗甜不辣同碗粿,,碗粿讀音:wagui或者挖貴,,應該係咁上下啦
甜不辣有d似關東煮,,不過多數都係魚類製品,,仲有清甜白蘿蔔
簡簡單單加d醬,,甜甜辣辣,,就是喜歡這種台灣味

碗粿其實係類似蒸蘿蔔糕,,用米漿加d芋頭加d炒過ge肉冬菇蝦米
碗粿本身比較淡口,,加d汁醬調味,,就係咁平凡ge食物但好好食

上到台北又飲返杯清心福全
葡萄柚綠茶加奶綠again,,飲厭未?未wor吹啤啤咩,,真係好飲嘛,,但唔係間間好飲ga
葡萄柚綠茶見佢真係即刻攞個葡萄柚搾汁整,,誠意十足
重點係又真係新鮮d,,好味d ga wor

之後就搭捷運去中山站去當代藝術館
藝術我就麻麻地,,不過朋友仔喜歡
行去途中有好多社區藝術裝置,,好有趣,,好有心思
嗰陣去係有個藝術家做展出,,主題係<<仲夏 狂歡>>
未入去之前以為好色彩好夏天,,點知完全另一回事
入面好黑,,有點血腥,,唔識欣賞兼膽小如鼠ge我十分鐘就出返黎

見有時間就去咗0416睇衫,,嗰度d衫好得意,,仲有小飾物
未夠鐘食晚飯又肚仔餓,,先去7-11食個韓式手捲
出乎意料地好食,,可能人餓就咩都好食啩
之後行去食晚餐又傾盆大雨(其實一直都係倒水狀況),,入麥記避雨食個脆香雞先
NT$39一隻雞全翼,,都唔平,,但又真係幾好食,,台灣麥記都幾貴下,,貴過香港

成日冇咩點食嘢,,就係為咗食喱餐,,田季發爺
又係炭火烤肉,,但今次係多D花臣,,有人教埋你點燒
可以包泡菜又可以包醃洋蔥,,推薦醃洋蔥,,好好食,,夾肉食冇咁膩

仲有芝士粉,,孜然粉,,麵豉,,檸檬汁等等調味料俾你創作你自己GE特色烤肉
一人nt$499,,包嘢飲,,有紅茶,,汽水等等

侍應會不時過黎幫你烤,,問你想要咩口味
d嘢都幾好食幾新鮮,,加咗調味又真係幾好食又好玩
個侍應可能見我地唔係台灣人猛過黎幫我地燒,,好好人
不過朋友仔就唔係好慣覺得尷尬

最後就會有每人兩塊麻糬,,限點一份ga咋
店員燒到麻糬脹卜卜之後沾煉奶再沾花生粉再捲好
都幾好食,,朋友仔盛讚,,仲話好食過我喺墾丁整嗰個麻糬夾雪糕添wor
最後整罐青草茶下下火,,都幾....唔好飲,,好甘ge涼茶味

返西門町見到mister donut又買兩個黎做宵夜
兩個都麻麻地,,可能食飽咗,,覺得波堤系列最好食,,其他都麻麻