2010年7月25日星期日

台灣woohoo之旅---墾丁day1 高雄機場, 亞哥之家, 野宴


喺台灣返黎香港差唔多就快一個月都未開始寫遊記,,只因懶懶同埋懶
雖則食記拖得仲耐,,唔理喇,,都係搞掂個遊記先!
是次台灣woohoo之旅長達十一日(咁多日要寫希望唔好爛尾.....)
由6.16-6.26,,趁復活節假就拿拿聲book好晒機票同民宿,,過程都幾繁複
以為搞點晒啦,,點知見人book民宿試過有冇落簿,,心都有d慌
因為有一間冇香港户口冇得落訂,,安全起見就飛前一個月打去confirm booking
點知佢又真係冇落簿,,好彩打去問下啫,,即刻搵過第二間民宿!
不過都好,,本身諗住4日墾丁7日台北,,依家3日墾丁1日高雄7日台北,,又去多兩個夜市

6.16端午節出發,,朝早十一點九機,,晨早揀定靚位,,去到機場就自助登機,,寄埋行李就去食個早餐先
入咗禁區冇得好揀情況下,,唯有食burger king,,新出芝士蘑菇小華堡加兩隻小雞腿

食完就去登機嚕,,中華航空ge支線?華信航空,,小型機,,得兩排三人座位,,逼!
小型機關係冇得好似上次咁打機睇戲,,唯有望下天空白雲,,點知個窗花到冇朋友
飛機餐係不知名麵,,難吃非常,,淡而無味,,唯有以辣椒醬拌麵

落機喇!一排史迪仔手推車迎接落機,,份外高興
喺香港book定車接去墾丁,,點知出機場時又唔見有人接,,諗住去搞埋電話卡
點知個中華電訊竟然唔開?!搞咗一陣都冇計仔,,又過晒約司機個時間,,心諗實走咗啦
大堂又有個呀嬸兜客問係咪去墾丁,,不過都係冇理佢,,去電話亭打俾司機
佢搵咗另一個司機黎接我地,,同車仲有兩pair人去墾丁,,總算上車出發嚕!!
沿途望到個天好藍,,d雲又靚,,過咗市區就有農田,,又過d就見到海喇,,yeah!!!
個司機開得快到呢,,去到140幾0_0,,仲不停左穿右插,,一個鐘多d就去到墾丁啦!!

直接送到民宿門口,,每位承惠NT$350
入到亞哥之家,,得兩個老婆婆喺度,,佢幫我地登記收錢,,有個類似香港ge菲傭就幫我地攞行李上去
我地住豪華海景房NT$2880,,喺最高3樓,,冇電梯ga,,好彩有佢幫我地攞行李
一入到去就覺得物超所值!!真係靚到呢!張床又舒服,,浴缸又大!

最最最最正都係個露台,,180度全海景,,陣陣海風吹埋黎,,正到唔想走
喱度應該係影得最多相ge景點!
左上角嗰粒叫船帆石,,不過點睇都似人頭多過船帆wor
左下角個招牌係7-11,,間嘢係喱間民宿ge人開ga
右下角張太陽椅除咗攤之外,,仲係曬衫好地方

未搞電話卡,,拿拿臨落去7-11申請open講預付卡先
要滿20歲同埋護照身份證先申請得ga!
d職員好快手就幫我搞掂,,仲俾我揀號碼添
聽人講話要好耐先開通,,但我個零鐘就開咗,,過程非常順利!
張卡NT$299,,電話費點計都寫晒喺個套度,,用幾多收幾多
其實台灣d電話費都幾貴下,,我地11日用咗大概NT$600

順便買多兩包嘢飲,,兩包都係奶綠但味道其實唔同
兩包夾埋NT$35(八折後)                             

見日落又拿拿聲出露台影影影
喱個景真係百影不厭,,可能有百幾張      

影到唔知時候,,之前訂咗六點食野宴
我地同民宿d人講我地六點想去大街食野,,佢地好好車我地出去
仲話返去嗰時打個電話俾佢地就接我地返去,,真係好到爆!
之後住嗰d民宿就冇咁好喇.......

去到野宴都差唔多六點半,,好彩唔full啫
嗰度竟然有個兒童室有滑梯玩,,小朋友食野坐唔定都唔驚佢亂咁走可以帶佢去玩
墾丁店收費每位NT$429,,炭火燒烤,,仲有個小火鍋,,包埋飲品
飲品除咗右下角嗰d,,仲有汽水

真係用炭燒ga,,好有趣
一開始會問你有咩唔食,,冇ge就有樣上d俾你
例如右上角ge蔬菜拼盤(麻麻地)
右下角ge海鮮拼盤(喱個唔錯)
左下係小火鍋,,我地點咗泡菜口味,,辣辣地唔錯

左上及右下仲會有牛五花,,推介!真係好食!我地食咗兩三碟
左下角啤酒蝦係點ge,,麻麻啦,,有d乾
左上d冰係要黎滅火,,火太大就用冰降下火

仲有點咗d一口腸同唔知咩牛
重點推介係麻糬同爆漿泡芙!
仲有六種味道ge雪糕,,食完真係飽到上心口

食完就去大街行下,,睇定聽晚食咩xd
有人由香港講到台灣,,終於如願以嘗,,去咗50嵐
11日入面我諗我地飲咗超過10杯台茶,,一日最少一杯
喱杯係鮮奶綠,,NT$40

仲有想買好耐ge草編人字拖!
可惜殺價不成,,NT$190

10點幾行到攰諗住返去,,點知友人話不如行返去,,我差d俾佢嚇死
黑媽媽,,又遠,,行返去應該起碼半個鐘
最後都係打俾阿哥之家搵人接我地
坐車途中佢同我講又真係唔應該行返去ga wor,,俾佢激死

喱間就係本身我地諗住住而冇落簿嗰間,,喺正亞哥之家後面

沒有留言:

發佈留言