義香荳腐食品

義香同公和一樣喺九龍城都有返咁上下ge歷史,,兩者都係以豆品作為主打
個人比較喜歡義香多一d,,除咗價錢較平之外,,煎炸嘢都係即叫即炸,,唔似公和咁炸定先
好多人都會覺得老闆娘好惡,,唔多禮貌,,不過其實佢只係rush咗d,,大聲咗d同粗豪咗d

冰凍花奶溝豆花$10

曾經喺澳門食過豆花加花奶,,代替咗糖水,,食過返尋味,,見到喱度有又叫黎試下
豆花有點兒粗,,唔夠滑,,相信熱食會滑d,,可惜冇,,好在豆味都算濃

豆漿都ok,,豆味好濃$6                  

青椒三寶(釀矮瓜+青椒+豆腐)$10
每樣兩件,,即係$10有六件
新鮮熱辣都好難唔好食得去邊,,而且佢d甜豉油幾好味,,不過係油咗d

煎九(韮?)菜餅$5
唔係好多地方有喱個嘢食,,雖然話係煎,,其實都係炸,,會油咗d
外皮好脆,,韮菜冇嗰朕草青味,,好香,,韮菜份量亦唔少
不過接口位好厚,,硬咗d

曾經仲食過蒸炸三寶同蒸燒賣
炸三寶(釀豆卜+雲吞+素雞)$10,,有點兒dry,,都係鍾意煎三寶多d
蒸燒賣$6/9粒,,好抵食,,好過食7仔嗰d,,有咬口d                      

義香仲有好多各式各樣的小食,,連米粉都有!以一間豆品店黎講,,佢賣ge款式真係好多
雖然佢冇好食到一嗚驚人,,但卻是一間不折不扣ge懷舊小食店,,值得一試

 

地址:九龍城衙前塱道74號地下