過橋麵檔

想去元朗個農場好耐,,不過太隔攝遲遲都冇去
終於的起心肝搵好晒路,,仲搵埋元朗有咩食就出發
喺香港站搭到去南昌再轉西鐵到元朗站再搭一個站輕鐵

第一站就去過橋麵檔
喱間嘢明明叫麵檔,,但最出名ge竟然係雞?!
星期日十二點半去到差唔多滿坐

睇睇餐牌,,都唔平wor
似乎係名物ge鹹雞菜飯要$50,,套餐多杯嘢飲或湯多五蚊,,仲有得淨係點雞
另一個霸王雞菜飯就平d,,$35啫

諗咗好耐,,結果都係點咗鹹雞菜飯套餐
一碟雞一碗菜飯一杯凍檸茶承惠$55

一黎緊係試下佢個雞先啦!
睇落好大碟,,其實有芽菜墊底,,不過雞ge份量都唔算少ga
雞好滑,,唔會太鹹,,沾d沙薑醬重好食,,佢d醬冇出面嗰d咁鹹
雖然芽菜只係墊底,,但都唔錯,,好清爽,,配霸王雞應該更好吃,,味道應該沒那麼清淡

菜飯就麻麻地,,雖然有好多菜絲
但係味道有點清,,可能係食過旺角南京好味合菜飯,,比較喜歡後者

如果再有機會去食,,應該會點霸王雞試試看
這家的雞真係幾好食!

地址: 元朗建德街25號大福中心地下1號舖