nice sushi+thai buffet

nice sushi + thai buffet 一開ge時候其實好想食,,不過冇耐就傳出好多劣評,,令我卻步
而且佢本身都唔算平,,要二百幾一個人,,所以開咗咁耐都冇試過
不過有日睇雜誌見到話九點半後入座半價,,即係一百蚊度一個人,,就即刻去試下

nice sushi + thai buffet 環境唔錯,,裝修得幾靚,,而且唔僧坐得好逼
唔知係九點半後食物款式少d定一直都係咁呢?如果唔係正價都幾唔抵,,百幾蚊就食得過
之前睇食評話夜咗就唔refill,,不過我地冇遇到喱個問題
食到十點三有侍應叫我地埋咗單先,,十點九就收嘢,,已經食到好飽

一去攞嘢食即刻去睇下有冇咖哩蟹食,,點知.....係冇ge
得咖哩蝦,,都好過冇啦,,蝦肉冇殼ge,,應該係雪藏蝦仁
另一款係青咖哩鴨胸,,青咖哩好香,,鴨胸都係大路貨
海南雞好食!算係幾滑,,沾埋個汁好惹味,,十點三都仲refill一大盤雞,,唔錯!
仲有即煮粉麵,,但唔吸引冇食到,,另外仲有幾款熱葷都冇試到

行多兩步就見到d日式熱葷,,有鏍仔同清酒蜆,,一般
個蒸餾籠入面係日式蒸蛋同溫泉蛋,,試咗日式蒸蛋都幾滑,,但冇咩特別
仲有天婦蘿,,粉冇好厚,,都唔差

再行多兩步又有泰國嘢,,推介生菜包,,調味唔錯,,食完開胃
另外有幾款泰式沙律都唔錯,,好開胃又惹味!
仲有D泰式串燒,,麻麻啦
仲有泰式拼盤小食,,推仲魚餅蝦餅,,香口彈牙!

仲有仲有,,有D沙律菜俾你自己撈,,不過冇咩興趣,,就skip咗
旁邊仲有魚生同壽司,,睇落都幾新鮮,,但全部都係魚生,,所以冇試
不過友人話好唔錯,,仲話師傅都好NICE,,寫住限拎2片,,但問佢拎多份都得,,仲笑笑口

行返去入口嗰邊就見到有兩個甜品櫃,,有好多細細件ge甜品
主要試咗泰式糕點,,西式ge冇咩點試,,細細件可以試多幾款
仲見到椰青,,但唔係任你飲,,每位包一杯嘢飲,,特飲要加錢,,椰青當然唔例外

仲有即叫即整pancake,,pancake皮唔錯,,但紅豆餡多咗d,,好膩
仲有仲布雀巢雪糕同雪米糍

食咗唔係好多嘢,,不過已經好飽,,同埋d款都食得七七八八
差d唔記得,,冬陰公唔係好得
味道同出面ge差好遠,,只係酸同辣辣地,,但唔係冬陰公味

最後凍檸茶結尾,,凍飲都要加三蚊,,唔係嘛......
百幾蚊真係志在食飽同食多款,,如果二百蚊真係唔係太得,,除非二百蚊時段有多少少貴價嘢食啦
之前睇佢一開ge時候有即場燒牛肉串等等好吸引,,但嗰日都唔見有嚕
喱度百幾蚊可以一試,,但唔會再去嚕,,唔係話佢唔好食,,係冇特別同唔值

地址: 銅鑼灣京士頓街9號名店坊地下6號舖