農場鮮奶有限公司

元朗一日遊ge重點農場鮮奶有限公司!!
首先喺大榮華轉角位行前d,,馬會前面搭72號小巴,,$5.8
之後搭到去總站落車,,車程大概20分鐘
落車就會見到喱個路牌,,跟住條路行入去

好少去郊外地方,,喺引水道見到魚仔已經覺得好得意,,仲見到金魚添!

沿住引水道行,,影下花睇下風景
雖然好鬼熱又有蚊,,但仍然好愉快

行行下就多到大欖郊野公園,,有好多燒烤爐,,不過冇人
我諗秋天會多d人ge,,不過小昆蟲似乎唔少

一路沿住引水道行行行就可以,,慢行20分鐘左右就見到78大石
即係到咗喇!!!!!!!!!!!

行上個小斜坡就見到間屋仔,,右手邊就係羊仔所在

行到身水身汗,,拿拿聲坐下食下嘢啦梗係
點咗一個芒果布甸$14一碗凍薑汁撞奶$14

芒果布甸麻麻地啦,,芒果肉都唔少,,但冇咩驚喜
而且$14好似貴咗少少                             

凍薑汁撞奶好食!
好濃奶香味,,薑味亦適中
本身冇好鐘意食薑味嘢都覺得好唔錯!

店旁邊見到一籃有機蔬菜
唔知係咪有得買ga呢?

之後想餵羊仔,,但又唔知邊度攞草餵
唔知點好之際唯有問個餵緊ge小男孩,,得到熱心ge回答兼帶我去問阿姨攞草

哈囉小羊等吃中
小羊好挑食,,只吃嫰葉不吃中間支梗     

仲有身型似小狗ge小小羊,,身穿保暖腰封,,抬頭看我們在幹嘛

草原其實不小,,如果可以進去走走就更有趣

草原入面仲有龍眼樹,,難道羊仔也愛吃龍眼?

臨走前買咗盒半公升鮮奶$12.5一邊去行返出去一邊飲降溫
又真係幾好味wor,,平時冇好喜歡飲奶,,都覺得唔錯!

地址: 元朗石崗甲龍村雷公田78號