阿貓地攤

阿貓地攤其實都開咗幾耐下,,不過一直冇機會去
終於決定某日下午茶時間去睇下貓仔

兩點幾去到已經接近full house,,咁誇張?平日咋wor
可能係暑假關係,,去邊都咁多人啦

店內有告示要點樣同貓咪相處,,這是其中之一

牆身仲有海人圖案,,好得意呀

入到去坐低就點嘢食,,見到snack個餐牌好吸引,,仲話2-6pm加$15有飲品
點知原來係我地發雞盲人地咁大隻字寫住星期六日及公眾假期先有都睇唔到
結果食完埋單先知,,真肉酸

點咗生芝貓,,即係煙肉包芝士蝦卷
$24三舊,,其實都ok,,但係有點兒單調,,又冇醬汁
話時話啱啱見到佢話有芝士先醒起點解我好似冇食到咁ge?

另一個係層層貓,,即係芝士雞扒配燒汁蕃茄蘋果
$32兩舊,,賣相有趣,,全部材料用牙簽串埋一齊
味道就都幾expected,,不過雞扒雪味好重

小米(益力多沙冰+蘋果) $32
等咗四五個字先黎,,食完都未有嘢飲
不過味道確係唔錯,,見到佢地真係用益力多
而且見到d紅色一點點係蘋果皮,,用鮮果打成沙冰有誠意

紅桑莓雪貓(紅桑莓+益力多) $35
喱杯酸過小米,,而且幼滑d,,不過都係鍾意小米多d

食完嘢就去睇貓喇
可能因為下午茶時段,,好多貓都瞓晏覺,,唔多點郁
間中會有一兩隻行黎行去,,一陣又瞓返

喱隻貓仔好得意,,瞓咗喺個籃度
我地係咁摸佢都冇meow我地

其實嘢食麻麻但飲品唔錯
如果撞啱d貓咪瞓晒覺都幾冇癮,,不過又冇計仔,,不能強求
如果唔去食嘢,,嗰度有個地方係教人做手工,,要報佢d course,,睇落幾有趣

地址: 銅鑼灣富明街2-6號寶明大廈3樓D-E室