台灣woohoo之旅-台北day11 西門町, 鋤燒, 紅樓, 國光客運

最後一日喇,,一早落7-11買定d盒裝飲品帶返香港
執執執係咁執行李,,執到夠鐘check out都未搞掂
搞掂後行李就咁放喺房同負責人講低要寄存全先

之後就去食返個午餐,,冇錯,,早餐又skip咗
本身朋友仔好想喺台灣食壽喜燒但冇安排到,,見附近有間就入去食
喱間嘢叫鋤燒,,又係食到飽ge(即任飲任食),,lunch大概NT$39X

佢個鍋好得意,,係長型,,鍋身好矮
由於壽喜燒只係放少量湯汁煮
所以唔使好似平時食火鍋咁放大量湯,,而湯ge份量係自己加ge
d肉熟咗就沾d生雞蛋食,,降溫之餘仲增加潤滑感

台灣woohoo之旅-台北day10 永和豆漿, somebody cafe, 師大 evans burge, 誠品

第九日去咗咁多地方好鬼攰,,所以第十日又係時候hea下
差唔多十一點先起身,,落去買早餐食,,點知嗰度冇得坐低食,,唯有攞返上日租食
喺永和豆漿買咗培根蛋餅NT$25,,飯團豬排肉NT$50同小豆漿NT$13
飯團豬排肉好好食呀,,好似香港餈飯咁,,但又面多咗d蛋同豬排肉,,正!
豆漿都好好味,,豆味濃又滑,,蛋餅都唔錯,,不過都係小倆口好食d
仲有貪得意喺樓下買咗綜合焿同乾拌麵,,係......唔好食ge....

台灣woohoo之旅---台北day9 十分, 菁銅, 九份, 瑞芳, 饒河

終於要早d起身喇,,因為要去十分,,八點幾就起身
去咗買mos burger早餐,,一個包加一杯飲品,,NT60度,,好抵呀
味道都唔錯,,可惜九點後就冇三文治set
由西門町去台北車站再轉火車去瑞芳,,再轉平溪線
最好睇定官網時間表度定時間,,唔係夾唔啱都呆等幾耐下

台灣woohoo之旅---台北day8 板橋油庫口, 永康街, 師大

今日都係十點幾先起身,,睇下電視又十一點幾先出發
搭捷運去新埔站食麵線!
之前成日聽台灣人ge無名見到好多人推介板橋油庫口麵線,,今次終於可以黎試下
十二點鐘門口已經有好多人,,好彩佢地係外帶
店內全部都係台灣人,,感覺好有趣,,好道地
喺門口點咗餐就入去坐,,佢會俾d牌仔你,,擺喺台面等等就有人拎俾你ga喇
麵線同腸分開俾錢,,麵線有大腸,,蚵仔或綜合口味,,全部NT$35,,香腸一條,,NT$20

麵線都幾大碗下,,又多蚵仔同大腸,,抵食!
不過佢冇落蒜所以味道冇咁濃冇咁野味,,不過湯頭就好香木魚味,,好味
香腸都算大條,,唔似得香港$12先得一細條
佢仲有埋生蒜,,台灣人一口生蒜一口香腸,,不過我就唔敢食生蒜

台灣woohoo之旅---台北day7 賽門甜不辣, 當代藝術館, 田季發爺

又瞓到黃朝百晏,,仲睇個電視先落街食午餐(係呀,,早餐skip咗喇)
本來諗住去間cafe,,點知十二點都未開,,唯有周街睇下有咩食

見到賽門甜不辣就入去試下啦,,反正一早都想試下
點咗一碗甜不辣同碗粿,,碗粿讀音:wagui或者挖貴,,應該係咁上下啦
甜不辣有d似關東煮,,不過多數都係魚類製品,,仲有清甜白蘿蔔
簡簡單單加d醬,,甜甜辣辣,,就是喜歡這種台灣味

碗粿其實係類似蒸蘿蔔糕,,用米漿加d芋頭加d炒過ge肉冬菇蝦米
碗粿本身比較淡口,,加d汁醬調味,,就係咁平凡ge食物但好好食

台灣woohoo之旅---台北day6 蛋蛋屋, 玩具總動員3, 家樂福

喺台北咁多日,,可以慢慢hea,,每日都差唔多十點先起身
本身諗住去十分,,不過遲咗起身,,又落雨,,就留喺西門町
食埋淡水買嗰個包睇下電視,,十二點諗住出發,,點知一開門就賴嘢
好很大隻蟑螂呀媽媽,,好彩反咗肚,,但腳仔仍然生猛
好彩喺香港買定殺蟲劑,,係誇咗少少,,友人驚都冇計仔
急call負責人幫我地執屍,,真係唔該晒

搞咗一大輪,,終於出到去
喺香港已經心思思想喺台灣睇戲,,咁啱toy story3 六月中就上畫,,唔係唔快人一步睇嘛
買完飛就去蛋蛋屋食個lunch先,,平日都好full下
點咗咖哩豬排蛋包飯NT$250同牛肉醬汁漢堡沙拉蛋包飯拼盤NT$280
都幾貴下,,蛋皮嫰,,味道都唔錯,,不過冇想像中咁好食

食完就去睇戲喇,,經過台茶,,又買黎入戲院飲先
墾丁冰茶加唔知咩抹茶
墾丁冰茶淡如水,,唔好飲,,另一杯唔記得咩味嚕

睇IMAX 3D 英文版,,NT$400一張飛
開頭以為台灣睇戲貴過香港,,點知喱個版本又好似平過香港廿蚊至五十蚊
好睇!IMAX 3D效果好好

睇完後傾盆大雨,,唯有返日租避一避
諗住check下點去家樂福,,點知未上到網,,唯有靠去之前睇過ge依稀記憶出發
落住雨行,,又黑,,好彩都去到啫,,嗰度好大,,有超市有日用品電器等等,,好似廿四小時營業
買咗d飲品同小吃就返去

返日租前買d嘢食先,,見喱間嘢講到咁好食就買咗臭豆腐+鴨血食
結果..........唔係咁好食,,味道有點兒奇怪

仲有走鬼檔鹽水雞,,又係講到自己好好食好多人買,,結果又貴又唔好食
NT$120得兩粒雞,,其他用魚板同菜充數
中右同下右都係家樂福買ge,,唔好食........
中左係樓下見到有魯肉飯買,,NT$35,,味道好但好油
仲有兩杯嘢飲,,墾丁"動L"奶同奶綠again

台灣woohoo之旅---台北day5 台灣高鐵, 雅典娜台北日租套房, 淡水, 士林

今日要出發去台北喇,,十一點check out
諗唔到食咩好,,見到7-11又入去食早餐
食完小杜包子後所以包子都變得唔好食
滷味燙有王子面,,金菇,,菜等等一大碗,,即刻食店員會幫你叮返熱
桂格喺台灣出咗燕麥飲品,,又係時候清一清腸胃

喺官網睇定幾點搭高鐵有優惠,,一個人原價NT$1490,,嗰時帶85折,,NT$1265
由三多商圈站搭高捷去左營站轉高鐵
由左營去台北只需兩個鐘,,都算快ga喇,,座位都唔錯,,車廂乾淨
上到車有人買便當就買黎試下,,都可以ge,,冇好特別,,可能火車口嗰d會特別d

去到台北車站又轉捷運去西門町,,因為我地喺台北ge日租就喺西門町
我地住ge日租叫雅典娜台北日租套房和楓房,,平日NT$1200,,假日NT$1500
開頭都驚驚地,,唔知係咪流ge,,不過又冇事平安返黎
全程同男負責人聯絡,,但只係佢媽媽來接我地同打點
間房同d相差唔多,,不過都有d舊,,遇過一隻小蟑螂同對正大門外有隻已死巨蟑螂
巨蟑螂call男負責人幫我地搞搞佢,,等咗十五分鐘媽媽落黎搞掂,,都算nice

本來有wifi上網,,但整唔到,,即日下晝就俾咗支usb上網我地,,唔錯
我地住咗6晚,,唔會主動上黎做清潔,,要叫佢倒垃圾同補廁紙
不過其實我地都唔太敢將宵夜丟喺房度,,包好放入雪櫃第二朝先丟,,都幾嘔心
衣櫃入面有衣架,,唔錯!不過本身洗衣機有烘乾功能,,但唔識搞,,要晾衫
當日差唔多三點去到都未清潔好間房,,佢叫我地出去先轉頭再返黎

我地唞咗陣就出發去淡水!
搭捷運前見到歇腳亭,,買返杯飲下啦,,原來我上年已經幫襯過佢
又黎奶綠一杯!點知我竟然覺得香港好飲d 0_0
買飲品送穀片,,都ok,,但好快食厭

去到淡水已經五點嚕,,即刻去掃街!
食咗花枝丸,,山豬肉腸,,兩樣都好食!
山豬肉腸NT$40,,都幾大支下,,又多肉汁,,熱辣辣,,正!
仲有黑糖冰紅茶,,1000cc NT$25咋,,抵到爛,,解渴之選,,不過甜ge茶未必人人鍾意

仲有蝦捲,,都唔錯
今次冇買鐵蛋,,不過仍然要買魚酥,,太好食喇,,唔覺唔覺就食晒一包
仲買咗個德國面包聽日做早餐,,都幾好食

唔少得鹽酥菇啦梗係,,買咗三合一,,NT$50
等咗好耐,,又唔係多人,,唔知佢搞咩
最好食都係杏包菇,,juicy d

睇咗陣夜景就轉戰去士林夜市!
先行有蓋嗰邊,,上次試過忠誠號覺得麻麻,,今次去咗大頭龍
喱間好食好多wor,,可能我鍾意喱個醬個味多d
仲叫咗肉圓,,鍾意食煙韌皮,,不過朋友仔覺得麻麻

入面冇咩啱食,,出去露天嗰邊搵食
上年試過豪大大唔好食,,今次食好多分店ge派克雞排
炸粉冇咁厚,,雞肉又多,,同樣咁大塊,,好食好多
食咁多煎炸嘢唔飲返杯苦瓜汁降下火真係唔掂,,見喱間咁多人買就跟住買
又ok wor,,ok ge意思係苦過dede,,最重要係下火
朋友仔頂唔順去咗買愛玉,,麻麻地,,越飲越淡
之後就返去睇電視瞓覺嚕

台灣woohoo之旅---墾丁,高雄day4 海生館, 85大樓, 六合, 瑞豐

由於好人叔叔唔得閒,,叫咗佢朋友黎接我地去海生館
我地開頭冇問佢幾錢,,不過之前去恆春問過個的士司機要NT$600,,依家喱個收我地NT$250咋
未到九點佢就黎到,,我地喺隔離7-11買咗個bagel同蘋果多做早餐,,bagel好食!推介!
買咗蔓越莓味,,以為冇餡,,原來入面係蔓越莓cream cheese!

台灣woohoo之旅---墾丁day3 後壁湖浮潛, 墾丁牧場合作社, 墾丁大街

又係八點幾起身,,落去食早餐
伯利恆係包早餐ge,,但質素都係流下,,但都食咗d
伯利恆外表睇落好靚,,但住落就麻麻

台灣woohoo之旅---墾丁day2 鵝鑾鼻, 小杜包子, 墾丁大街

八點幾就起咗身,,落去7-11買早餐
亞哥之家住一晚一人一張早餐卷,,一張買到NT$50 ge嘢
揀咗個冷麵,,三文治,,蘋果牛奶同葡萄味smoothie
好食好食,,不過唔知點解台灣三文治興半餡,,前面睇好多料,,後面係冇ge
個smoothie有葡萄粒ga!
蘋果牛奶好得意,,台灣又好興水果牛奶,,味道同我地香港嗰隻乳酪飲品有少少似

台灣woohoo之旅---墾丁day1 高雄機場, 亞哥之家, 野宴

喺台灣返黎香港差唔多就快一個月都未開始寫遊記,,只因懶懶同埋懶
雖則食記拖得仲耐,,唔理喇,,都係搞掂個遊記先!
是次台灣woohoo之旅長達十一日(咁多日要寫希望唔好爛尾.....)
由6.16-6.26,,趁復活節假就拿拿聲book好晒機票同民宿,,過程都幾繁複

以為搞點晒啦,,點知見人book民宿試過有冇落簿,,心都有d慌
因為有一間冇香港户口冇得落訂,,安全起見就飛前一個月打去confirm booking
點知佢又真係冇落簿,,好彩打去問下啫,,即刻搵過第二間民宿!
不過都好,,本身諗住4日墾丁7日台北,,依家3日墾丁1日高雄7日台北,,又去多兩個夜市

6.16端午節出發,,朝早十一點九機,,晨早揀定靚位,,去到機場就自助登機,,寄埋行李就去食個早餐先
入咗禁區冇得好揀情況下,,唯有食burger king,,新出芝士蘑菇小華堡加兩隻小雞腿