薔紅 @ 灣仔 (甜品篇)

甜品都有十幾款,,不過麻麻地
焦糖蛋白,,個面就幾好食,,但D蛋白好鞋

糯米慈,,都幾軟熟,,但味道麻麻地

雲石朱古力芝士蛋糕
芝士味濃但就好似咬緊成舊CREAM CHEESE咁

藍莓芝士蛋糕
麻麻,,問題 仍然喺芝士度

TIRAMISU
喱個比前兩個算係好食D,,面頭咖啡粉多咗DD

紅豆CAKE?唔係好知,,冇試到

玫瑰花果凍
唔係太得,,冇咩味,,果凍質地硬咗D

雜果果凍
仍然係冇咩味...........

芒果布丁
算係有味GE一個,,但都係麻麻

面包布丁
熱GE甜品,,但個人唔太好,,冇食到

紫米露
佢係冇甜味,,但隔離有支糖水俾妳自己加甜,,記住要落

仲有四款雪糕任食,,不過應該係雀巢雪糕
都算係咁啦,,隔離仲有朱古力碎同醬俾你加,,算係有少少誠意GA喇

飲品款式都有唔少WOR
有生薑茶,,飲落似湯丸嘅薑糖水

荔枝桂花茶,,幾清香,,唔會好甜
香芒蜜桃,,似開粉飲品,,戟桃味較重
利賓納,,冇試到

有得自己沖奶茶,,仲有凍檸茶
見到佢旁邊有檸檬同奶

其實都算幾抵食,,只係甜品差咗D
以$88黎講都算係驚喜,,因為佢D凍海鮮好唔錯
即使食埋主菜都唔算貴,,平時西餐廳食個主菜都要百幾啦,,喱度仲有任食,,算係咁啦
以喱個價錢黎講算係唔錯GA喇

地址: 灣仔莊士敦道194-204號灣仔商業中心1字樓