薔紅 @ 灣仔 (沙律+主菜篇)

自助餐就聽得多,,但原來有半自助餐?!半自助餐即係有一客主菜+任食頭盤同甜品
見灣仔開咗間食半自助餐,,又唔係好貴,,就去試下
薔紅招牌搶眼,,同佢個名好呼應,,紅噹噹

喱度有樣好,,可以唔叫主菜淨係食任食沙律吧,,甜品同飲品,,咁就$88
如果叫主菜都有唔少可以揀,,價錢由$108-$168,,喱個價已經包咗任食沙律嗰D
咁就可以SHARE主菜,,唔驚食得太飽食唔到任食

佢仲有任食車仔意粉,,即係自己揀醬汁,,配料同意粉
都有唔少選擇ga

沙律吧有幾款沙律,,可以自己撈菜,,或者咖哩沙律,,粟米沙律等等
唔係太好沙律,,所以冇咩點試

醃三色椒+茄子+翠肉瓜
酸酸地都幾開胃

重點主攻凍海鮮,,有蝦,,青口,,龍蝦仔同翡翠螺
蝦好鮮甜,,食咗差唔多有10隻
龍蝦仔唔係太識食,,食咗1隻就放棄咗,,咸咸地唔通係海水味?(純粹亂UP)
翡翠螺都好好食,,都係好鮮甜,,但間唔中會有沙
青口就冇試到.......
衛生應該算唔錯,,起碼我個玻璃肚食完冇不適

沙律吧仲有4款生果,,因為後期食到太飽,,淨係食咗啖菠蘿,,比想像中甜WOR

湯都係大路嘢,,意大利菜湯同野菌忌廉湯
試咗一啖,,味道都唔錯WOR

熟食得3款,,全部都係炸嘢,,炸洋蔥圈,,炸牛油雞翼同炸蒜蓉蝦
3樣都幾好食,,好香口,,但每樣試一舊好嘢,,好鬼膩

車仔意粉份量都唔少,,最好SHARE黎食
蝦+帶子+菇+椰菜花+香草汁+墨汁意粉

每樣配料得一兩粒,,唔係好夠食,,香草汁都冇咩味,,但咸咗D
意粉煮得唔錯,,唔會太軟身或硬身,,但好油

俾多次機會佢,,今次要茄汁同菠面
今次好食好多,,冇咁咸,,茄味亦夠,,面依然好食

三個人SHARE一個主菜,,要咗法式香煎鵝肝伴烤蘋果拼燒羊架配蜜糖黑醋汁
鵝肝煎得好香脆,,入口即溶,,好食!
啱啱睇返先知嗰時MISS咗烤蘋果冇食

羊架都好好食!好嫩又多肉汁!
點埋個醋汁酸酸地中和羊GE肥,,都幾MATCH

仲有甜品同DRINK喺下一篇:-)

地址: 灣仔莊士敦道194-204號灣仔商業中心1字樓