添好運點心專門店

添好運不嬲都已經好多人幫襯,,幾點去都要喺門口等等
依家多咗粒米芝蓮星就更誇張,,上次兩三點經過,,門口有一大堆人,,真係嚇死你
好在未喺佢奪星嘅時侯去咗試啫

佢間鋪好細,,坐得好逼,,差唔多背脊貼背脊
想起身埋單都有d難度

第一時間試下佢個名物先,,酥皮叉燒包$12
佢個皮真係正嘅,,鬆化,,有少少脆口,,唔會好似街外墨西哥包個皮淋晒

平時唔食叉燒包嘅我都覺得個餡好食!
出面嘅叉燒餡同常都好多肥豬肉,,一pat唔知咩黎嘅所謂叉燒餡
但喱個真係食得出佢唔係嗰d唔知擺咗幾耐幾叉燒餡
肥瘦亦都好適中

黃沙豬潤腸$14腸粉皮好薄好滑!

豬潤我平時唔係好食,,所以唔係太知咩係靚豬潤
佢係有d爽口,,唔係太粉

臘味蘿蔔糕$10
唔會好粉,,食到蘿蔔絲,,算ok
不過辣椒醬就麻麻

陳皮牛肉球$10
大路嘢,,冇話有咩特別

以喱個價錢黎講d嘢真係算唔錯,,都叫抵食
個包真係good嘅!
不過真係有好食到有粒星?!

地址: 旺角廣華街2-20號翠園大樓2期地下8號舖