昌發泰國粉麵屋 @ 九龍城 (粉面篇)

九龍城泰國餐館多的是,,而昌發的泰式湯粉就好唔錯
前前後後去咗5,6次,,試咗好多小食同粉面

應該係泰國人開嘅,,落單都係寫泰文
不過唔使擔心佢地聽得明廣東話嘅

第一次幫襯佢係買外賣嘅
外賣湯粉佢會好好咁分開湯同面俾你,,咁就唔會索晒d湯,,浸到d粉淋晒
而湯就係用個膠袋袋住再綁實,,唔會漏ga,,感覺好地道,,而且成個鐘後先食仍然好熱
不過好難倒返出黎,,因為真係好熱

佢仲會俾埋d調味你,,不過唔好一次加晒,,因為都幾辣

遊船河$23
入面有豬肉,,豬潤,,豬肉丸,,芽菜,,同D香葉
聽聞係用豬血做湯底,,唔好俾佢嚇親,,係冇異味嘅,,好味!

鴨肉湯河$23
除咗鴨肉之外仲有豬紅,,兩樣都唔錯
湯底仍然係濃郁的

彩虹湯河$23
喱個個湯底就有D唔同,,酸酸的,,愈食愈開胃
配料有魚蛋,,豆卜,,水魷魚,,豬紅,,魚蛋幾好食!

札肉湯河$23
湯底係普通嘅清湯,,加咗小小菜圃,,咁似南記D粉ge?!
以為會好普通,,但札肉又幾唔錯wor

札肉有5塊,,但絕對唔係切到紙咁薄咁縮骨!
有圖為證!

以上我都係轉咗做金邊粉
佢d金邊粉唔係幼版河粉,,比河粉彈牙,,有咬口d
唔知泰國正宗嘅金邊粉係咪咁ga呢?

牛肉炒金邊粉$35
都幾惹味,,酸酸地辣辣地

不過油咗d,,金邊粉痴埋一舊舊,,始終都係湯粉好食d
同埋食到最後發現一條好肥嘅菜蟲,,嚇死人.....

蝦膏炒飯$38
望落似普通炒飯,,聞落似普通炒飯,,食落仍然係普通炒飯

where is my 蝦膏?!
不過都有3,4隻蝦補返數ge............

佢嘅湯粉真係good!但炒就麻麻喇
下一篇仲有佢ge小食篇,,有生蝦,,豬頸肉,,糯米釀雞翼,,炸蝦餅

地址: 九龍城城南道27號地下