串爆酸辣粉

串爆酸辣粉雖然位於旺角登打士街,,但佢唔係喺好多人流嗰邊
即係唔係好多台茶嗰邊,,而係喺彌敦道嘅另一邊
見到個咁搶眼嘅招牌就知到咗喇

店舖都幾細,,大概有8張枱
用圓形木枱木凳,,感覺上幾nice

唔夠辣有得自行加辣
另一支係醋

有套餐叫
叫咗一個涼拌雞絲薯粉+口水雞+豆漿$32
先黎杯豆漿,,都唔算細杯
唔錯wor,,好濃豆味,,唔似係開咗水嗰d

涼拌雞絲薯粉
好食!麻醬好香,,辣辣地,,好開胃
涼拌令成兜嘢好清爽

用薯粉,,煙煙韌韌,,滑溜溜,,唔錯!

口水雞
就咁睇真係睇唔出邊忽係雞

不過又ok嘅,,雞算滑
d醬有d唔同出面嘅味,,但都幾惹味
辣辣地又有d麻醬嘅味

另外散叫咗手拍青瓜$15
青瓜份量都幾多,,不過蒜泥好多,,越食越辣

香燒魷魚(翼+鬚)$25好香口,,都幾好食
佢有個酸辣汁點嘅,,不過我覺得唔點好食d

招牌酸辣粉$18
都唔錯,,有人話唔夠酸,,不過我覺得剛剛好
不過涼拌雞絲薯粉好食d

佢仲有D串燒,,有個鱷魚串燒好有趣,,下次可以試下

其實都幾好食,,而且都幾平
不過我覺得堂食都用即棄碗碟好唔環保

地址: 旺角登打士街32-34A號歐美廣場2C-D地舖