彩龍茶樓

星期日一家三口晨咁早就要起身出發去山長水遠去彩龍茶樓飲茶
到底佢有咩咁巴閉?巴閉之處就係遠,遠同埋遠
搭完巴士再轉東涌線再轉返荃灣線到總站再要搭小巴

有室外同室內揀
大熱天時就梗係坐室內
不過揀錯位,,坐正嗰度冇咩冷氣,太陽又射到正

喱度咩都係自己黎嘅(搵位,,沖茶,,攞嘢食)
茶葉要多要少自己決定                  

食具都係自己攞嘅
當然要洗洗佢                                         

好多點心,,同個呀姐講就會攞俾你
呀姐唔喺度就自己落手啦

仲有一系列炸物,,煎嘢,,燒肉同鹵水雞翼都有?!
不過幾錢碟真係唔係好知,,只係埋單時佢會計你d碟,,話個總數俾你聽就俾錢啦

腸粉喺你面前整,,咁咪好滑?
錯晒!唔知咩料一d都唔滑,,質感好粗
叫咗鮮蝦腸,,唔滑,,皮好厚

鵪春燒賣
麻麻啦,,佢下面舊肉同平時出面好似有d唔同

燒賣,,大路嘢        

蝦餃
入面真係好大粒蝦,,而且係淨蝦
唔係好似出面咁撈咗d豬肉

雞札,,正路嘢       

咸水角
見佢新鮮熱辣攞出黎即刻攞
不過食咸水角我淨係食個皮,,所以好正,,脆卜卜又煙韌

菜心
聽聞係喺隔離d田種,,好新鮮
不過食落其實都差唔多

蒸釀豆腐
一見到心諗食晚飯咩咁大碟
喱個係有個阿叔叫賣話啱啱蒸出黎,,咁我地就唔執輸啦,,點知一攞到過黎係咁大碟
食完後點知見到隔離枱係有細份嘅

豆腐花,,都唔錯,,幾滑

仲有各種糕點,,但太飽食唔落          

其實我就覺得d嘢食麻麻地,,真係食feel多lor
同埋d點心唔知點解多數都只係暖暖地,,唔係熱辣辣
以為會好平,,不過埋單都好似要$260幾

地址: 荃灣荃錦公路川龍村2號