漢城美食

一直恨食韓菜,,點知約好晒又撞正天鵝(3號風球)
死就死,,3號波都照由港島山長水遠去到尖沙咀食
今次就係食喱間"漢城美食"
門面簡潔,,門外仲有幾盆細小嘅綠色盆栽,,唔似香港嘅食肆

入到去,,感覺好似去咗韓國一樣,,淨係聽到韓文
而且成間鋪超乾淨
相機突然受不知名霧氣影響,,影出黎嘅相變到好懷舊同夢幻

疑似老闆娘,,全程講韓文,,除咗收錢嗰時
搞到我飲晒水想叫佢加水唔知點講好

個鐘好有趣      

前菜有3小碟,,大家估唔估到係咩,,相機愈來愈朦

食到一半,,相機終於正常返
開估返前菜
第一碟白菜泡菜,,唔錯

第二碟蘿蔔泡菜,,正!!!

第三碟酸蘿蔔,,唔係好酸

lunch special 有四款$38,,同普通餐牌嘅嘢食就係平d
叫咗泡菜烤豬肉飯
都幾辣!搞到我係咁飲水
撈埋泡菜酸酸地又幾好味

炒辣年糕
本來我想食有公仔面炒嗰隻年糕,,可惜貴$12
不過li個都唔錯,,年糕唔硬,,不過甜咗少少,,同埋水汪汪咗d

佢d嘢大大碟,,真係飽到上心口,,而且lunch special都唔算貴
不過有冇人知叫人加水韓文點講

地址: 尖沙咀金巴利街10號