燒魂一

韓燒就成日都食,,但日式燒烤好少有任食
難得見到有間新開嘅日式燒烤,,仲要係任食,,就仆到去試
燒魂一喺尖沙咀,,當晚食$198加一,食2.5小時
2.5小時聽落好多,,但睇埋落去就知咩事

揀咗5.30-8.00個時段
早咗少少去到,,但間嘢就真係5.30先開燈,,再慢慢按排入座
入座後侍應遂檯介紹如何點菜等等,,但係得我地嗰檯冇人招乎
終於叫到個人黎講解下,,之後就話豬牛海鮮拼盤各上一碟俾我地試下先

檯面大大個牌話食剩要罰錢
一路食一路見到,,無形嘅壓力                      

有好多嘢食,,刺生,壽司,燒肉,炸物,飯
好多嘢都冇試到                                       

close up x2 睇真d有咩食
其實真係好吸引,,耐何.....

.

有好多款醬汁,,以為係自己任揀3款
點知睇真d,,係指定咗,,已經擺咗喺我面前

時晚醬料: 胡麻醬,蘋果醬,燒肉汁 (左至右)
要試其他汁?得!俾錢啦

同韓燒唔同,, 日式係網燒嘅
見唔見到有兩粒石春喺度?
其實網下面係有一圈水要黎降溫嘅
第一輪食就當然冇問題,,不過如果係第二輪就幾嘔心
上一手食物嘅汁滴晒落去,,就好似對住個渠食飯

等等等,,等咗好耐,,其他檯都已經上晒菜,,但我地咩都冇
咁唯有叫佢跟啦,,吹咗3次先黎個海鮮拼盤,,嗰時已經係6.00

蠔個樣就麻麻,,不過我唔食ge
蝦就真係very good,, 唔係細細隻嗰d,,係大大隻嘅,,而且好爽
帶子都唔錯
個螺就麻麻,,純粹個人口味問題

好喇,,食完個海鮮拼盤,,個牛同豬仲未黎
已經係落單後半個鐘有多喇
終於喺吹咗n次嘅情況下黎咗

牛拼盤,,佢d牛真係幾靚
不過薄切嗰d痴網痴到爛晒

豬就個樣都唔錯ga
不過食就唔係好得,,好鞋好韌

刺身個樣幾靚
不過我唔食三文魚唔知好唔好食
但係佢冇俾wasabi,,差咁dd

雞脾菇個味有少少怪
羊排都唔錯
鴨胸都ok
菠蘿?!係,,你冇睇錯,,真係有菠蘿燒
而且好好食,,唔係罐頭貨,,好清甜

韓式生牛肉,,喱個係生食嘅
不過就麻麻地,,如果有d雪梨絲會好好多

牛系每樣叫一客(except金菇卷同牛藏)
就係喱碟搞到食唔落其他嘢
本來分係咩口味,,點知個侍應都唔知

香草豬頸肉
麻麻地,,唔係好match

香草雞
唔入味,,幾大雪味
魷魚
唔錯wor,,幾鮮

汽水每人包兩罐
但當晚食都食唔切,,飲得一罐                     

話就話2.5小時,,但係7.15就話last order,,7.30已經要你埋單
事後懷疑開頭等極都冇嘢黎係因為個人入錯檯號
但係點解要吹咗咁多次先有人發覺呢?
好明顯係之前d人根本冇follow啦
之後改返啱個檯號,d嘢食真係好快到

其實佢d嘢真係幾好食,,但係幾好都冇用
而且都唔算好平,,一個人加埋一要$218
可能只係咁啱我唔好彩
不過一路睇返d相又好想去食多次,,太多嘢未食到,,好掙扎

地址: 尖沙咀漆咸道南57-59號金馬倫中心2樓