YOGO

低脂乳酩近來新開咗幾間,,而且感覺好似都唔算好平,,一直冇去試
低脂乳酪ge賣點係健康d,,冇雪糕咁肥
但又有類似雪糕ge質感,,啱晒想keep fit但又想食dessert ge朋友
有日行緊銅鑼灣就見到喱間新開冇耐ge YOGO,,見佢話$15 100g咁抵就入去試下

本來見佢有個熱蜜糖加乳酪好吸引,,點知轉個頭俾佢其他配料吸引咗
竟然唔記得有喱個嘢,,食完出門口見到先醒起

點解要食乳酪? 佢話埋俾你聽佢個selling point

成間鋪ge image都好唔錯,,七彩繽紛得黎又好簡潔

佢個base比平時出面嗰d多選擇,,總共有5款口味
原味,,荔枝,,芒果,,草莓,,綠茶

配料都有好多,,大概有廿種
有早餐食ge脆片,,有果仁類ge東西,,有橡皮糖

未完ga,,仲有曲奇,,OREO,,幾款朱古力,,麻糬

仲有仲有,,奇異果,,芒果,,草莓,,哈蜜瓜,,木瓜

仲有?!有提子乾,,藍莓同埋脆米條
咁多樣配料總有幾款啱你口味

咁多樣總唔能夠樣樣試晒ge
試咗綠茶味ge乳酪,,叫得乳酪就當然酸酸地,,綠茶味好出,,唔錯!
要咗麻糬,,細細粒,,煙煙韌韌好好食
OREO都係大路嘢啦,,配住乳酪食仲冇咁甜添
脆米條奶味都幾重,,又係有d煙韌,,甜咗少少

本來想叫原味,,但禁咗少少出黎就冇晒,,所以只係食咗一啖,,都OK
之後要咗草莓味,,即係食草莓味YOGHURT啫,,大路嘢
果仁我麻麻地冇試到

總括黎講都算幾好食,,唔算好貴
上面綠茶嗰杯要$28,,草莓嗰杯就$24
佢跟重量計,,你食幾多收幾多,,豐儉由人

地址: 銅鑼灣禮頓道106-126號禮信大廈地下1A-1B號舖