One Place

想喺九龍塘附近鋸扒都唔係咁易,,又一城嗰d又貴咗d
但扒癮起,,見到li間$100有找就去試下

依家大集團當道,,一間小型餐廳做到十年已經算係唔錯
見到ONE PLACE門口話十周年誌慶,,有部份食品有半價優惠

精選套餐由$68至$98,,包餐湯,,咖啡或茶
聽聞之前叫set有蒜蓉包送,,點知......佢話依家d set平咗冇得送
都叫咗個set,,先黎咗個湯先

羅宋湯都幾足料,,好多雜菜,,好濃郁唔會水汪汪
而且又唔會太酸,,味道唔錯

主菜叫咗紐西蘭肉眼扒 $78
有得跟飯,意粉 or 薯菜,,習慣地叫咗薯菜
佢d薯菜係幼身薯條,,炸得都幾脆身,,薯味都夠
配菜有西蘭花同紅蘿蔔,,西蘭花唔似白烚咁冇黎味道,,算係有誠意

肉眼扒好厚身,,不過size唔算好大
個樣睇落就唔錯,,鋸開佢又點呢?

明明叫7成熟點解變咗10成ga呢?!
不過食落又唔算好韌,,肉味都算ok,,以li個價算係唔錯ge

另外叫咗個做緊半價ge美式原條豬肋骨 (原價$98 特價$58)
喱個就唔包餐湯同飲品

估唔到份量都唔少,,有兩大塊豬肋骨,,每塊都有5條骨左右
個sause係美式BBQ汁,,酸酸地幾開胃,,不過就鹹咗d
豬肋骨都算多肉,,肥瘦幾均勻

仲散叫咗個半份蒜蓉包 $20
半份即係有4條,,上枱時疊得好工整
包身烘得脆,,入面又軟熟,,正!
而且兩面都搽咗蒜蓉醬,,好香好惹味,,不過食完感覺到幾熱氣

最後就係set嗰杯飲品,,大路嘢凍檸茶

總體黎講都算係唔錯ge,,各樣食物都好滿意
近排扒癮好大,,有咩又平又好食嘅扒房就推介下

地址: 九龍塘又一村花圃街15號地下A2舖