昌記

昌記喺跑馬地市政大廈入面,,見到樓下街市可能覺得有d污漕
不過上到去就完全唔覺,,都幾企理
入面有幾檔嘢食,,每檔兩排枱,,唔好坐錯!

朝早十點半到去到,,昌記嗰兩排枱係差唔多坐滿嘅
雖然唔係好多枱,,但唔知點解d單亂到......
我就好好彩等唔係好耐就有得食,,但搭枱嗰個就起碼等咗半個鐘d嘢都未到齊

常餐入面嘅嘢可以自己拼
咁佢出名雪菜肉絲就梗係要試下啦
就叫咗雪菜肉絲拼魚片米$23

首先上餐飲,,凍飲加兩蚊
凍檸茶,,大路嘢

雪菜肉絲拼魚片米
好大碗,,米粉份量好多

雪菜肉絲真係好好食,,連不時唔食嘅我都覺得正
佢d雪菜係新鮮雪菜黎嘅,,唔係出面嗰d罐頭貨
十萬個好食!

魚片都好食!
佢d魚片似新鮮炸完嗰d咁,,唔係擺咗好耐
香口,,有鮮味

加多個奶醬厚多士$10
聽聞係有成吋厚.....不過都真係厚嘅

外面烘到好脆,,入面好軟熟
奶醬就都係正路嘢啦
去到唔記得油沙多先係招牌菜,,下次再去試過!

總括黎講係真係好食嘅,,食完冇耐就已經想食多次
不過就好唔就腳囉......

地址: 跑馬地毓秀街2號黃泥涌巿政大廈2樓1號