南京好味

旺角熟食中心嘅農夫包出晒名,,不過我就覺得嗰度仲有樣嘢好好食
就係南京好味嘅手撕雞
第一次去食叫錯咗怪味雞,,就真係唔係好得
後尾先知叫錯咗就再俾多次機會佢,,好彩冇走寶

套餐有一餸一飯,,例湯/熱飲都係$25,,真係幾抵
轉菜飯就要加唔記得$2定$3

冇眼花,,咁多雞都係$25!
小型雞山見到都想食

佢d雞雖然唔係新鮮雞,,但都好食,,$25仲想點?!
佢用雞脾肉,,幾嫩滑
不過其實最正係佢d汁,,惹味!!!!!!!!!!

雞下面有d青瓜墊底,,睇落似真係拍出黎嘅
青瓜好爽口,,好食!

估唔到菜飯都有驚喜
唔係淡而無味,,好香
就算冇汁撈飯都可以食晒成碗

$25好味又大份,,抵啦!

地址: 旺角上海街557號旺角熟食中心2樓