貓仔仔用品準備篇 (一)

新增貓仔系列嘅BLOG喇!!!以後唔止吃喝旅行，仲有貓仔睇!!第一篇係未出發先興奮之用品準備篇! 第一次養貓咩用品都冇，一知道幾時可以接貓仔仔回家後便不停睇好多貓資訊同用品。行咗幾次寵物店，有啱心水嘅唔多，同埋好貴，唯有上淘寶搵尋寶！淘寶真係好正，同一樣嘅貨品平香港一半，而且重點係真係正貨。當然有唔少仿製品，但只要睇清楚，睇多幾間同其他人的評語，買到平靚正嘅貨品都唔難。因為今次買嘅嘢無論質素同價錢都好唔錯，所以要分享一下。